Liburutegi digitala, birtuala eta elektronikoa oso antzekoak dira berez baina badauzkate ezberdintasun txikiak, euren artean bereizkuntza egitea dakarrena. Teknologiaren aldia dugunez gaur egunekoa, gure egunerokotasunak ordenagailuetara jotzea dakarkigu eta horregatik egunean egon beharra dugu teknologiaren munduaren garapenari dagokionean.
Badakigu denok liburutegia zer den. Liburutegia liburuak jarri edota jasotzen diren tokia da. Bertan, liburuak erosi gabe maileguan hartuta irakurri daitezke. Hau esanahi tradizionala litzateke. Gaur eguneko aurrerakuntzekin, ordea, liburuek digitalizazioa behar izan dute eta aldi honetara egokitu. Horregatik sortu dira konputagailuetan liburutegi digital, birtual eta elektronikoa.
Hona hemen hitz bakoitzaren esanahia:
- Liburutegi digitala: formatu digital batean informazioa gorde eta prozesatzen den gunea da.
- Liburutegi birtuala: errealitate birtuala erabiltzen du interfaza erakutsiz eta erabiltzaileari liburutegi tradizional batean egongo balitz bezala sentiarazten dio, giro hori sortuz. Teknologia multimedia darabil horretarako.
- Liburutegi elektronikoa: automatizazio sistemak dituen liburutegia da eta bertan gordetzen diren paperezko liburuen administrazioaren edukia erakusten du era argi eta errazean, erabiltzailerai liburuak aurkitu eta mailegatzeko bidea erraztuz.
Iturriak:
- Bibliotecas birtuales, electrónicas y digitales: tres entidades por definir. Kontsulta data: urtarrilaren 28an. Orria: http://bvs.sld.cu/revistas/aci/vol10_6_02/aci05602.htm
- Wikipediatik. Liburutegi digitala. Kontsulta eguna: urtarrilaren 28an. Orria: http://es.wikipedia.org/wiki/Biblioteca_digital
- Deustuko Unibertsitateko liburutegi digitala. Kontsulta eguna urtarrilaren 28an. Orria: http://www.biblioteca.deusto.es/servlet/Satellite/Page/1107426114492/_eusk/%231107426114492/UniversidadDeusto/Page/bibliotecaTPL
