♣ Euskararen normalizazio linguistikoaren alde lan egitea, hizkuntzaren erabilerarekin zerikusia duten balio erantsiko zerbitzuak eskainiz. Kulturatik eta goi-mailako zientzietatik sortzen diren, eta etorkizunean sortuko diren, premietara euskara moldatu eta egokitu ahal izateko euskararen ikerketan, normalizazioan eta hedapenean diharduten erakunde publiko eta pribatuekin lankidetzan aritzea.
♣ Euskararen barnean, xede berezietako hizkeren finkapena eta hedapena sustatzea. Euskararekin zerikusia duten hiztegi eta lan terminologiko eta lexikografikoak egitea, horretarako irizpide lexikografikoak eta terminologikoak finkatuz. Euskal Herriko proiektu terminologikoen aholkularitza eta koordinazioa egitea.
♣ Euskal lexikoaren eboluzio zehatza etengabe aztertzea, egungo euskararen lexikoaren corpusa bilduz eta ikertuz.
♣ Hizkuntza naturala prozesatzeko proiektuetan parte hartu eta hizkuntzalaritza aplikatuaren arloan ikerketak bultzatzea eta indartzea. Hizkuntzalaritzari aplikatutako ikerketa-lerro desberdinen baitan difusio-sistema modernoak bultzatzea, informatika eta telekomunikazioen arloko teknologia berriak baliatuz.
♣ Datu-banku terminologikoa eta Datu-base lexikografikoa antolatu eta mantentzea. Terminologia eta lexikografiako ikastaroak antolatu eta ematea. Lexikografiari eta terminologiari buruzko biltzarretan eta jardunaldietan parte hartzea. Kontsulta telematikoaren zerbitzuak sortu eta mantentzea.
♣ Euskararen moldatze-lanak burutzea, bai bertan testu originalak sortuz eta baita ere beste hizkuntzetan sortutako testuak itzuliz.
♣ Unibertsitateekin eta hizkuntzaren arloan ikerketa egiten duten bestelako erakundeekin harreman kulturalak izatea eta lankidetza-hitzarmenak egitea.
♣ Bekadunak trebatu eta ikerketa-proiektuetan sartzeko aukera ematea.
BIBLIOGRAFIA:
*http://www.uzei.com/antbuspre.aspnombre=1655&cod=1655&sesion=14
